Ardayad Muslimad ah ayaa Dacawad u gudbisay Gudiga Xuquuqul insaanka Dalka Canada kadib markii laga ceyriyey Fasal kamida Iskuul kii ay dhiganeysay Niqaab ay wadatay awgeed.
News
Gabadh Muslimad ah oo Fasal looga Ceyriyey Niqaabkeeda dartiis.
Mar, 3 2010 4:37 PM
Wargeys ka soobaxa Dalka Canada gaar ahaa Magaalada Montreal ayaa sheegay in Gabadhan oo Masaari ah isla markaana qaadatay Dhalashada Dalka Canada laga ceyriyey Xisada Luqada Faransiiska ee gaarka u ah Muhaajiriinta iyadoo lagu colaadinayo Niqaabka ay Xireneyd.
Gabadha ayaa diiday inay Wajigeeda ku feydo fasalka dhexdiisa maxaayeelay Rag ajaaniba ayaa meesha joogay waxayna codsatay inaan lagu qash-qashaadin Dadka hortiisa.
Wargeyska ayaa intaa ku daray in Macalimadii Fasalka iyo Maamulkii Machadka ay Gabadhii ku qasbeen inay gadaal tagto dibna u siijeesato laakiin arintaa waxaa ka carooday qaar kamida Ardadii kale ee Fasalka.
Xaalada ayaa kagudubtay Machadka iyo Maamulkiisa waxayna gaartay Wasaarada Muhaajiriinta dalkaas taas oo November-tii tagtay ansixisay in gabadha Muslimada ah Fasalka laga ceyriyo.
Waraysi dheer oo dhinacyo baadan taabana oouu bixiyey Garaad Abshir Salaax
